Բարեկամնե՛ր, այսօր մենք գնել ենք ևս 100 պատգարակ, քանի որ անցյալ անգամ գնված բոլոր հարյուր պատգարակներն ամբողջությամբ ուղարկել ենք դիրքեր։ Գնման գումարը նույնն է, ինչ անցյալ անգամ՝ 370000 դրամ (ըստ արտարժույթային կուրսի՝ 57000 ռուբլի)։ Ստորև ներկայացնում ենք վերոնշյալ պատգարակների գնման ծախսերի հաշվետվությունն ըստ նվիրատուների․
✅ 28500 ռուբլի փոխանցել են Մոսկվայի պետական մանկարվարժական համալսարանի <<ՄՈւՇ>> Հայկական ուսանողական միության ( ՄՊՄՀ <<ՄՈւՇ>> ՀՈՒՄ) կողմից Մոսկվայում կազմակերպված տարբեր բարեգործական միջոցառումների մասնակից ուսանողները։
✅ 15000 ռուբլի Մոսկվայից փոխանցել է սանտեխնիկայի խանութի սեփականատեր Հայկը
✅ 13500 ռուբլի նվիրաբերել է Յուրի Բոգուսլավսկին, ով Երևանում մեր ֆոնդի օգտին կազմակերպել է անիմացիոն բարեգործական ցուցադրումներ (երկանգամյա փոխանցմամբ, 43 հազ․ դրամ և 68 հազ․ դրամ համապատասխանաբար)
Ահա այսպես, բացարձակ տարբեր մարդիկ, տարբեր տարիքի, տարբեր քաղաքներից համատեղ ուժերով այսօր գնել են 100 բժշկական պատգարակներ, որոնք հարյուր կյանք կարող են փրկել։
Շնորհակալություն, սիրելի ժողովուրդ ՋԱ՛Ն։ ԵՎ խորապես խոնարվում ենք բոլոր նրանց առջև, ովքեր մշտական հիմունքներով աջակցում են մեզ։ Մշտական հիմունքներով աջակցությունը հնարավոր է դարձնում պլանավորել գնումները և թափ է հաղորդում մեր աշխատանքներին։
Լուսանկարները՝ VIVA հիմնադրամի արխիվ