Սաթենիկ Ավագյան

Սաթենիկ Ավագյան, 58 տարեկան է, ապրում է Արտաշատում։ Տարիներ շարունակ նրա աշխարհը սահմանափակվել է տան պատերով․ աղջիկն ու որդին՝ հաշմանդամ, որոնց նա չէր կարող թողնել նույնիսկ մեկ րոպե։ Աղջիկն էլ իր խաչն ունի՝ կույր որդի, որին անհրաժեշտ է շուրջօրյա խնամք։ Մի ընտանիքում՝ երկու հաշմանդամ։ Ամուսինը մահացել է յոթ տարի առաջ, և Սաթենիկը ստիպված է եղել մենակ կրել ամբողջ ծանրությունը։ Նա միշտ փորձել է օգնել բոլորին, բայց մի՞թե հնարավոր է ամեն ինչ անել միայնակ։

Եվ ահա նոր հարված․ Սաթենիկի մոտ քաղցկեղ է հայտնաբերվել։ Տարիների ընթացքում առաջին անգամ իրեն է պետք, որ հոգ տանեն, որ մեկնումեկը ձեռք մեկնի իրեն, որ ինքը ևս հնարավորություն ունենա ապրել, ոչ միայն իր կյանքը նվիրել ուրիշներին։

Բուժման համար այսօրվա դրությամբ անհրաժեշտ է մոտ 6,5 միլիոն դրամ։ Սա ահռելի գումար է ընտանիքի համար, որը տարիներ շարունակ ապրում է պայքարի մեջ։ Առաջին կուրսը սկսվում է արդեն հաջորդ շաբաթ։ Թող Աստված ուժ տա հիվանդությունը հաղթահարելու, իսկ դեղորայքով մենք բոլորս միասին կապահովենք նրան։