Մայրություն և մանկություն՝ այսպես է կոչվում VIVA հիմնադրամի նոր ծրագիրը, որի նպատակն է օգնություն տրամադրել Արցախից բռնագաղթված հղի կանանց։ Ավարտին է մոտենում արցախյան իրադարձություններին հրատապ արձագանքելու շրջափուլը, երբ հարկավոր էր <<այստեղ և հիմա>> սկզբունքով դիմավորել,օգնել, սփոփել և աջակցել։ Այժմ Հիմնադրամն անցնում է բռնագաղթվածների աջակցության միջինժամկետ և երկարաժամկետ ծրագրերին։ ԵՎ բոլոր այս ծրագրերն ուղղված են մասնավորապես խոցելի և դյուրազգայուն խմբերին տրամադրվող օգնությանը։
Ներկա պահին Հիմնադրամը գործարկել է արցախցիների օգնության 5 ծրագիր․ 1 տիպի շաքարային դիաբետով հիվանդների օգնության ծրագիրը, քրոնիկ և ուռուցքային հիվանդություններով տառապող հիվանդներին տրամադրվող աջակցության ծրագիրը, պալիատիվ հիվանդների աջակցության ծրագիրը և մոտ ապագայում ընտանիքում համալրում սպասող երիտասարդ ընտանիքների օժանդակության ծրագրերը։
Արդեն ունենք ընտանիքներ, ում մենք օգնել ենք։ Հպարտությամբ և ուրախությամբ այդ նորածին փոքրիկներին համարում ենք մեր երեխաները, ՀԻմնադրամի երեխաները Մենք կհետևենք նրանց աճին և զարգացմանը։ Ուզենք-չուզենք՝ երեխաները մեր ապագան են, մեր և ձեր։ Նրանք օգնում են հաղթահարել մեզ բաժին հասած դժվարությունները, հույս են ներշնչում և լավատեսություն, տալիս գիտակցություն, որ անկախ ամեն ինչից՝ կյանքը շարունակվում է։
ՀԻմնադրամի <<Մայրություն և մանկություն> > ծրագրի նպատակն է Արցախից բռնագաղթված հղի կանանց տրամադրել բժշկական և հումանիտար օգնություն։ Երիտասարդ մայրիկներին տրամադրում ենք անվճար բժշկական խնամակալություն հղիության ողջ ընթացքում, սքրինինգային և արյան հետազոտություններ, իսկ երեխայի ծնվելուց հետո ծնողներին ապահովում ենք երեխայի համար անհրաժեշտ ամեն ինչով՝ մանկական մահճակալից և սայլակից սկսած մինչև մանկական տակդիրներ և հագուստ։
Ծրագրի մասնակից լինելու համար խնդրում ենք լրացնել հարցաթերթիկը։ Ծրագրի խնամարկյալ դառնալը շատ իրական է, պայմանով, որ ձեր տվյալները համապատասխանում են ծրագրային չափանիշերին։ Ով կարող է օգտվել <<Մայրություն և մանկություն>> ծրագրից։
- Կանայք, ովքեր ստիպված են եղել Արցախից բռնագաղթել Հայաստան
- 18 տարեկանից բարձր կանայք
- Արդեն հղի կանայք, կամ նրանք, ովքեր կհղիանան մինչև 2024թ․ հունիսի 1ը։
Բժշկական օգնության շրջանակներում ծրագրի մասնակից կանանց տրամադրվում է․ Հիմնադրամի բժիշկ-փորձագետների անվճար խորհրդատվություն, հղիության առաջին և երկրորդ եռամսյակների ընթացքում երեխայի ներարգանդային առողջական վիճակի վերահսկողության և զարգացման համար անհրաժեշտ պերինատալ սքրինինգների, ինչպես նաև պտղի պաթոլոգիայի կասկածի դեպքում հավելյալ լաբորատոր հետազոտությունների իրականացում։ Բացի այս, ապագա մայրիկները կարող են միանալ հղիության, կրծքով կերակրման, պատվաստումների և նորածինների խնամքի հիմունքների մասին օն-լայն դասախոսություններին։
Փոքրիկների ծնվելուց հետո երիտասարդ ծնողները կստանան երեխային անհրաժեշտ իրեր։ Մանկական մահճակալ և սայլակ, անկողնային սպիտակեղեն, կյանքի առաջին ամսվա համար տակդիրներ, հագուստ, սրբիչներ, տակաշորեր, մայրիկին և փոքրիկին անհրաժեշտ հիգիենայի պարագաներ։ Հիմնադրամի կողմից տրամադրվող իրերի ցանկին կարող եք ծանոթանալ այստեղ․
ԵՎ, իհարկե, մենք, ինչպես միշտ, խնդրում ենք ձեզ օգնել մեզ ձեր նվիրատվություններով։ Այսօր, քան երբևէ, մեզ հարկավոր է ձեր բոլորի աջակցությունը, որպեսզի մեր յուրաքանչյուր խնամարկյալ ստանա որակյալ և համակարգային բուժօգնություն։
Լուսանկար․ VIVA Հիմնադրամի արխիվ
